Taith Nesaf: Dyffryn Euas (Eywas), Y Fenni, Hydref 18fed

Dilyn ôl traed Dewi Sant, Gerallt Gymro a’r myneich mewn cwm diarffordd, hanesyddol a phrydferth. Canlyn y ffin Cenedlaethol a Chlawdd Offa am rhan o’r daith.Noson gymdeithasol yn y Fenni neu’r Gelli.

A. Cefndir

Sefydlwyd y clwb gan griw o’r bechgyn oedd â’u bryd ar fwynhau:

> cerdded ym mhrydferthwch rhai o lecynnau mwyaf diarffordd deheudir a chanolbarth Cymru;
> natur, cyfoeth diwylliannol, hanesyddol, daearyddol a daearegol y cyrchfannau;
> pryd o fwyd a noson gymdeithasol ar ddiwedd y daith.

Mae’r teithiau’n amrywio rhwng 8 – 12 milltir ar gyfartaledd, sy’n ddigon fel arfer i fagu rhyw gymaint o syched a chwant bwyd. Yn anorfod, mae’r noson yn datblygu’n gyfle i ganu rhai o ffefrynnau’r côr, ac i gyflwyno ein harlwy cerddorol i gynulleidfaoedd newydd a diarwybod. Cawsom groeso mawr fwy nag unwaith mewn ardaloedd seisnigedig, gyda’r brodorion lleol yn ailddarganfod eu cysylltiadau Cymreig wedi bloedd o ganu angerddol gan y cerddwyr!

B. Teithiau Diweddar

C. Teithiau ar gyfer y Dyfodol

Dyma ychydig o awgrymiadau. Croesawir rhagor o syniadau!

Croeso i unrhyw un ymuno! Gwrandawer am y cyhoeddiadau yn yr ymarferion.

Yn y dyfodol, gobeithir ychwanegu at naws y rhan hon o’r wefan trwy ychwanegu rhai argraffiadau o’r teithiau trwy gyfrwng sylwadau’r cerddwyr. Byddwn hefyd yn mynd ati i gofnodi’r teithiau yn ffotograffig.

Rhai Lluniau: